القائمة الرئيسية

الصفحات

كيفية توصيل الموبايل الي التلفاز لمشاهدة الأفلام واليوتيوب ؟

كيفية توصيل الموبايل الي التلفاز لمشاهدة الأفلام واليوتيوب ؟


كيفية توصيل الموبايل الي التلفاز لمشاهدة الأفلام واليوتيوب والبث المباشر للمباريات علي شاشة التليفزيون هذا الموضوع  يخص بعض الناس التي تمتلك ريسيفرات حديثه تعمل بالإنترنت والواي فاي.

كيفية توصيل الموبايل الي التلفاز لمشاهدة الأفلام واليوتيوب ؟
كيفية توصيل الموبايل الي التلفاز لمشاهدة الأفلام واليوتيوب ؟

☜ فيه خاصيه في بعض الريسيفرات الحديثه إسمها dlna

الخاصيه دي سهله جدا وفائدتها هي علشان تقدر تشوف وتتفرج علي الأفلام والصور اللي موجوده علي تليفونك أو علي الإنترنت امامك علي شاشة أي تليفزيون

ادوات توصيل الموبايل الي التلفاز:

1-يكون عندك ريسيفر بيشتغل بالإنترنت والواي فاي و فيه خاصية dlna أو dlna DMR ولازم يدعم الخاصيه دي لأن مش كل الأجهزه فيها الخاصيه دي حتي لو كانت بتشتغل بالنت
والكلمه دي تجدها عندك في اعدادات الإنترنت بتاعت الريسيفر أو التطبيقات او Network 
المهم تجد الكلمه دي موجوده في تطبيقات وبرامج الإنترنت بتاعت الريسيفر
#ملحوظه : ليس كل الأجهزه الحديثه بها هذه الخاصية

2-يكون عندك فلاشة واي فاي وتركبها في الريسيفر ويكون معاك تليفون اندرويد Android ويكون عندك شبكة واي فاي متصله بتليفونك وبالريسيفر (يعني الواي فاي اللي في الموبايل والريسيفر يكونوا من راوتر واحد أو نقطة اتصال واحده)

3-هتدخل متجر جوجل بلاي google play اللي موجود في تليفونك وهتنزل وتحمل تطبيقAllConnect App
أو تطبيق إسمه تيوبيو TuBio 
لو مش لاقي تطبيق تيوبيو في المتجر نزله وحمله من موقع جوجل
#ملحوظه تطبيق AllConnect هينفعك لو انت عندك صور وأفلام علي تليفونك وعاوز تبعتها للريسيفر علشان يظهرها علي شاشة التلفاز
وتطبيق تيوبيو Tubio هينفعك لو انت عاوز تشوغ وتتفرج علي ماتشات ومباريات مباشره وتعمل لها مشاركه للريسيفر والريسيفر يظهرها للشاشه

4-بعد كده هتنزل وتحمل متصفح إسمه UC Browser و ده لونه أصفر وأحسن وأسرع متصفح أو متصفح إسمه دولفين و ده لونه أخضر

5-بعد كده هتشغل الريسيفر والتليفون بتاعك ويكون الريسيفر والتليفون متصلين الإتنين بشبكة واحده أو بنفس الشبكه وهي شبكة الواي فاي

6-بعد كده هتمسك ريموت الريسيفر وتضغط علي زرار Menu وبعد كده تضغط علي كلمة إضافات أو تطبيقات الشبكه أو تضغط علي كلمة Network إضغط علي أي كلمه فيهم هتلاقيها قدامك

7-وبعد كده شوف كلمة dlna وإضغط عليها هتلاقي ظهر قدامك كلمة dlna DMR إضغط عليها هيقولك انتظر قليلا أو انتظر من فضلك أو جاري البحث أو كلمة Wait

8-بعد كده ادخل في تطبيق AllConnect اللي إنت نزلته من المتجر هتلاقي البرنامج بيبحث علي إسم الريسيفر بتاعك بعد ما يبحث هيظهر قدامك اسم جهازك إضغط عليه 
بعد كده هتلاقي الموبايل والريسيفر حصل ربط بينهم وهيكون قدامك وامامك في تليفونك الصور والأفلام بتاعتك اضغط علي اي فيديو أو أي صوره في تليفونك واعمل مشاركه مع الريسيفر هتظهر قدامك علي شاشة التليفزيون أي حاجه انت عاوزها

9-بعد كده لو إنت عاوز تتفرج وتشوف أي فيديو علي الإنترنت أو اليوتيوب ويطلع قدامك علي شاشة التليفزيون وكل اللي معاك يتفرجوا برضه
أدخل متصفح UC أو متصفح دولفين وبعد كده ادخل علي موقع اليوتيوب من المتصفح مش من البرنامج اللي موجود خارج المتصفح
بعد ما تدخل اليوتيوب ابحث عن اي فيديو أو أي فيلم وأعمل تكبير و زووم للفيلم أو تكبير للشاشه هيظهر عندك علي الشاشة ثلاثة نقاط تحت بعض (… مثل هكذا) وبعد كده اضغط عليهم هيقولك مشاركه مع تطبيقات اخري هيظهر علي الشاشه عندك برنامج AllConnect تضغط عليه هيظهر الفيديو علي شاشة التلفاز عندك بدون أي مشكله

10-لو عاوز تشوف كل المباريات بث مباشر وكل الفيديوهات الموجوده علي الإنترنت يبقي هتدخل في تطبيق تيوبيو Tubio هتلاقي داخل البرنامج مربع للبحث عن أي شئ مثل موقع جوجل كده
ابحث في هذا المربع عن موقع كوره لايف او كول كوره هتلاقي فيهم جميع المباريات وقنوات بي ان اسبورت bein sport اختار القناه او المباراه اللي انت محتاجها وإضغط عليها هتلاقي البرنامج عمل مشاركه مع الريسيفر وهيظهر ليك المباريات بتعليق عربي وبدون تعب

شرح توصيل الموبايل الي التلفاز بالفيديو

هل اعجبك الموضوع :

Comments

التنقل السريع